കണ്ടശാംകടവ് പാലത്തിനടുത്ത് റോഡിൽ വാഹനത്തിൽ നിന്നും ഓയിൽ ചേർന്നു; ആറോളം ബൈക്കുകൾ തെന്നിമറിഞ്ഞു. ഒരാൾക്ക് പരിക്കേറ്റു. വിളക്കുംകാൽ സ്വദേശി അറുപത് വയസുള്ള തോമസിനാണ് പരിക്കേറ്റത്. ഇന്നുരാവിലെ ഏഴുമണിയോടെയാണ് സംഭവം. പരിക്കേറ്റയാളെ തൃശ്ശൂർ ജൂബിലി മിഷൻ ഹോസ്പിറ്റലിൽ പ്രവേശിപ്പിച്ചു.
വാടാനപ്പിള്ളി – തൃശ്ശൂർ റോഡിൽ കണ്ടശാംകടവ് പാലം ഇറക്കത്തിലാണ് ഓയിൽ ചോർന്നത്. ഈ സമയം അതുവഴി വന്ന ബൈക്കുകളാണ് തെന്നി മറിഞ്ഞത്. ഏതു വാഹനത്തിൽ നിന്നാണ് ഓയിൽ ചോർന്നതെന്നു കണ്ടെത്താനായിട്ടില്ല . ഫയർഫോഴ്സ് സംഘം എത്തി വെള്ളം പമ്പുചെയ്തു റോഡ് വൃത്തിയാക്കി.