ദേശീയപാത കുറുമാലിയിൽ കെഎസ്ആർടിസി ബസ് ഇടിച്ച് മാനിന് പരിക്കേറ്റു. ചൊവ്വാഴ്ച രാവിലെ പത്തുമണിയോടെയാണ് സംഭവം. പാതയോരത്തെ ആളൊഴിഞ്ഞ പറമ്പിൽ നിന്നാണ് രണ്ട് വയസോളം പ്രായമുള്ള പുള്ളിമാൻ ദേശീയപാതയിൽ അകപ്പെട്ടത്. ചാലക്കുടി ഭാഗത്തേക്ക് പോയിരുന്ന ബസിടിച്ചാണ് മാനിന് പരിക്കേറ്റത്. കാലിന് പരിക്കേറ്റ് കിടന്ന മാനിനെ ബസ് യാത്രക്കാർ ദേശീയപാതയോരത്തേക്ക് മാറ്റുകയായിരുന്നു.
കെഎസ്ആർടിസി ബസ് ഇടിച്ച് മാനിന് പരിക്കേറ്റു.
