ചേർപ്പ് വെസ്റ്റ് പ്രദേശത്ത് താമസിക്കുന്ന വല്ലച്ചിറക്കാരൻ തോമസ് എന്ന വ്യക്തിയുടെ 5 പശുക്കളിൽ 4 പശുക്കൾ വൈദ്യുതാഘാതമേറ്റ് ചത്തു. രാവിലെ പാൽ കറവിനിടെയാണ് സംഭവം , 3 പശുക്കളെ കറവ് നടത്തി കൊണ്ടിരിക്കെ തൊഴുത്തിലെ കറൻ്റ് കണക്ഷനിൽ നിന്നും വൈദ്യുതാഘാതമേറ്റ് തോമസിൻ്റെ മേലേക്ക് പശുക്കൾ വീഴുകയായിരുന്നു.
വീഴ്ചയിൽ കണക്ഷൻ വിച്ഛേദിക്കപ്പെട്ടതിനാൽ പശുക്കളുടെ ഇടയിൽപ്പെട്ട തോമസ് രക്ഷപ്പെട്ടു.
സി സി മുകുന്ദൻ എംഎൽഎ ,ബ്ലോക്ക് പഞ്ചായത്ത് പ്രസിഡന്റ് എ കെ രാധാകൃഷ്ണൻ , ഗ്രാമപഞ്ചായത്ത് പ്രസിഡന്റ് സുജിഷ കള്ളിയത്ത് , വിവിധ ജന പ്രതിനിധികൾ മൃഗസംരക്ഷ വകുപ്പ് ഉദ്യോഗസ്ഥർ, കെ.എസ്.ഇ.ബി ഉദ്യോഗസ്ഥർ എന്നിവർ സ്ഥലത്തെത്തി പരിശോധന നടത്തി. നാട്ടുക്കാരുടെ സഹായത്തോടെ പശുക്കളെ തൊഴുത്തിൽ നിന്ന് എടുത്തു.
പോസ്റ്റ്മോർട്ടം നടപടികൾ ശേഷം പശുക്കളുടെ മൃതദ്ദേഹം സംസ്കരിക്കും .
മൃഗസംരക്ഷണ – ക്ഷീരവികസനവകുപ്പ് മന്ത്രി ജെ ചിഞ്ചുറാണിയുമായി സി സി മുകുന്ദൻ എംഎൽ എ ബന്ധപ്പെട്ടതായും സർക്കാരിൽ നിന്നുള്ള പരമാവധി ധനസഹായം ഉറപ്പ് വരുത്തുമെന്നും സ്ഥലം സന്ദർശിച്ച എംഎൽഎ പറഞ്ഞു