തൃശ്ശൂർ : ലിംഗഭേദമന്യേ വിദ്യാർത്ഥികൾക്ക് പ്രവേശനം നൽകുമെന്ന് കേരള കലാമണ്ഡലം. ഇന്ന് ചേർന്ന ഭരണസമിതി യോഗത്തിലാണ് തീരുമാനം; മൂന്ന് കോഴ്സുകൾ കൂടി ഈ വർഷം ആരംഭിക്കും. കഥകളിയിൽ പെൺകുട്ടികൾക്ക് അവസരം നൽകിയപോലെ മോഹിനിയാട്ടത്തിൽ ആൺകുട്ടികൾക്കും അവസരം നൽകും.
വിഷയത്തിൽ ഐക്യകണ്ഠേനയാണ് തീരുമാനമുണ്ടായത്. ഭരതനാട്യത്തിലും കുച്ചിപ്പുടിയിലും തീയറ്റർ ആന്റ് പെർഫോമൻസ് മേക്കിങ്ങിലും കോഴ്സുകളാരംഭിക്കും. കരിക്കുലം കമ്മറ്റിയാണ് പാഠ്യപദ്ധതി തീരുമാനിക്കുക. ചരിത്രമുഹൂർത്തം എന്നാണ് നീനാപ്രസാദും ക്ഷേമാവതിയും തീരുമാനത്തെ വിശേഷിപ്പിച്ചത്.