തൃശ്ശൂര് : എരുമപ്പെട്ടിയില് ആള്മറയിലിരുന്ന് ഫോണ് ചെയ്യുന്നതിനിടെ കിണറ്റില് വീണ അതിഥി തൊഴിലാളി മരിച്ചു. ബിഹാര് സ്വദേശി മധിരേഷ് കുമാര് (31) ആണ് മരിച്ചത്. എരുമപ്പെട്ടി തയ്യൂര് റോഡിന് സമീപം ഞായറാഴ്ച വൈകീട്ട് 4.45-നാണ് സംഭവം.
അതിഥി തൊഴിലാളികളുടെ വാടക വീടിനുസമീപത്തെ വെള്ളമുള്ള കിണറ്റിലാണ് മധിരേഷ് വീണത്. ഇയാളെ രക്ഷിക്കാനായി ഇറങ്ങിയ സുഹൃത്ത് സോം കുമാറും (22) പരിക്കേറ്റ് കിണറില് കുടുങ്ങി. ഒടുവില് സുഹൃത്തുക്കള് ചേര്ന്നാണ് ഇരുവരേയും പുറത്തെടുത്തത്.