എടമുട്ടം : പാലപ്പെട്ടി ഭഗവതീക്ഷേത്രത്തിൽ പ്രതിഷ്ഠാദിനം ആഘോഷിച്ചു. പ്രദോഷ് ശാന്തി മുഖ്യകാർമികനായി. എഴുന്നള്ളിപ്പിന് പാമ്പുമേക്കാട്ട് മന ശാരംഗപാണി ഭഗവതിയുടെ തിടമ്പേറ്റി. പെരുവനം കുട്ടൻമാരാരുടെ നേതൃത്വത്തിൽ പഞ്ചാരിമേളം എഴുന്നള്ളിപ്പിന് അകമ്പടിയേകി.
പ്രതിഷ്ഠാദിന ചടങ്ങുകൾക്ക് ട്രസ്റ്റി ബോർഡ് ചെയർമാൻ സുമിത്രൻ തോട്ടാരത്ത്, ബോർഡ് അംഗങ്ങളായ ബാലൻ നായർ പാണാട്ടിൽ, ശ്യാമളാദേവി കിഴക്കേടത്ത്, പ്രകാശൻ കിഴക്കേപുരയ്ക്കൽ, സുജിത്ത് കിളിയന്ത്ര, മനോജ് കൂടക്കര, ജനാർദനൻ വല്ലത്ത് എന്നിവർ നേതൃത്വം നൽകി.