കൊടുങ്ങല്ലൂർ : എടവിലങ്ങിൽ കാരയിൽ തെരുവ് നായയുടെ ആക്രമണത്തിൽ നിരവധി പേർക്ക് പരിക്കേറ്റു. നായയുടെ ആക്രമണത്തിൽ സാരമായി പരിക്കേറ്റ കാര സ്വദേശി അനശ്വര (20)യെ തൃശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
കാര സ്വദേശികളായ ലീല (70), ആദി ദേവ് (17), ഷൺമുഖൻ (76) എന്നിവർ കൊടുങ്ങല്ലൂർ താലൂക്ക് ഗവ.ആശുപത്രിയിൽ ചികിത്സ തേടി. മറ്റു രണ്ട് പേർക്ക് കൂടി നായയുടെ കടിയേറ്റതായി സൂചനയുണ്ട്. ഇന്ന് ഉച്ചതിരിഞ്ഞായിരുന്നു സംഭവം.