കാനഡയിൽ താമസിക്കുന്ന ചാലക്കുടി സ്വദേശിനിയെ വീടിനുള്ളിൽ മരിച്ച നിലയിൽ കണ്ടെത്തി. ചാലക്കുടി പടിക്കല സാജന്റെയും, ഫ്ളോറയുടെയും മകൾ ഡോണ സാജയാണു(30) മരിച്ചത്. ഡോണയുടെ ഭർത്താവ് ലാൽ കെ. പൗലോസിനെ കാണാതായതായെന്നാണ് വിവരം. വീട് പൂട്ടിക്കിടക്കുന്ന വിവരം അറിഞ്ഞ് പൊലീസ് എത്തി കുത്തിത്തുറന്നു പരിശോധിച്ചപ്പോഴാണ്
ഡോണയെ മരിച്ച നിലയിൽ കണ്ടെത്തിയത്. മരണത്തിൽ ദുരൂഹതയുണ്ടെന്ന നിലയിൽ കാനഡ പൊലീസ് അന്വേഷണം ആരംഭിച്ചു. ഒന്നര വർഷം മുൻപായിരുന്നു ഇവരുടെ വിവാഹം.