ചെറുതുരുത്തി ഭാരതപ്പുഴയിൽ കുളിക്കാൻ ഇറങ്ങി കാണാതായ 16 കാരന്റെ മൃതദേഹം കണ്ടെത്തി. ചെറുതുരുത്തി പടിഞ്ഞാറെ തോപ്പിൽ സുന്ദരൻ മകൻ ആര്യൻ ആണ് മരിച്ചത്. ഇന്നലെ വൈകീട്ടാണ് ആര്യൻ കൂട്ടുകാർക്കൊപ്പം പുഴയിൽ കുളിക്കാനിറങ്ങിയത്.
പെട്ടന്ന് ഒഴുക്കിൽപ്പെട്ട് കാണാതായ ആര്യനുവേണ്ടി ഏറെ നേരം തിരച്ചിൽ നടത്തിയെങ്കിലും കണ്ടെത്താനായില്ല. ഇന്ന് രാവിലെ പോലീസും നാട്ടുകാരും ഫയർഫോഴ്‌സും ചേർന്ന് നടത്തിയ തിരച്ചിലിൽ ഇന്ന് രാവിലെയാണ് മൃതദേഹം കണ്ടെത്തിയത്.