കൊടുങ്ങല്ലൂർ കോതപറമ്പിലുണ്ടായ വാഹനാപകടത്തിൽ മരിച്ചത് റിട്ട. പോലീസ് ഉദ്യോഗസ്ഥൻ. കൊല്ലം സ്വദേശി ശ്രീകുമാർ ആണ് മരിച്ചത്. 2018- ൽ കൊടുങ്ങല്ലൂരിൽ നിന്നും റിട്ടയേർഡ് ആയ എ.എസ്.ഐ. ആണ് ഇദേഹം. കൊടുങ്ങല്ലൂർ മേഖലയിൽ താമസിച്ചിരുന്ന ഇദ്ദേഹം ഈയടുത്ത് താമസം മാറിയിരുന്നു.
ഇന്ന് രാവിലെ പത്തരയോടെയാണ് അപകടമുണ്ടായത്. കൊടുങ്ങല്ലൂർ – ഗുരുവായൂർ റൂട്ടിലോടുന്ന സ്വകാര്യ ബസാണ് ഇടിച്ചത്. ഇടിച്ച ബസ്സ് സ്കൂട്ടർ യാത്രക്കാരൻ്റെ തലയിലൂടെ കയറിയിറങ്ങുകയായിരുന്നു. സംഭവസ്ഥലത്ത് വെച്ച് തന്നെ സ്കൂട്ടർ യാത്രികൻ മരിച്ചതായാണ് വിവരം. മൃതദേഹം കൊടുങ്ങല്ലൂർ താലൂക്ക് ആശുപത്രിയിലേക്ക് മാറ്റി.