തൃശ്ശൂര്‍ : സെൻ്റ് ആൻ്റണീസ് നാമധാരികളുടെ നാമഹേതുക തിരുനാളും സംഗമവും ലൂർദ്ദ് കത്തീഡ്ലിൽ ആഘോഷിച്ചു. രാവിലെ 7.30 ന് വിശുദ്ധ കുർബ്ബാന, ലദീഞ്ഞ്, നൊവേന, നേർച്ച വിതരണം ഉണ്ടായിരുന്നു. തുടർന്ന് കത്തീഡ്രൽ ഹാളിൽ ചേർന്ന സംഗമം സി. ആർ . ആൻ്റോ ആലപിച്ച പ്രാർത്ഥന ഗാനത്തോടെ ആരംഭിച്ചു. ആൻ്റണി നാമധാരികളുടെ കോഡിനേറ്റർ ജോണി പി. പുല്ലോക്കാരൻ (അന്തോണി പുല്ലോക്കാരൻ ) സ്വാഗതമാശംസിച്ചു.
കത്തീഡ്രൽ വികാരി റവ. ഫാ. ഡേവിസ് പുലിക്കോട്ടിൽ അദ്ധ്യക്ഷനായി സംഗമം ഉദ്ഘാടനം ചെയ്തു. വരും ദിനങ്ങളിൽ കാരുണ്യ പ്രവർത്തനങ്ങൾ ചെയ്ത് ഈ നാമധാരികളുടെ സമൂഹം മാതൃകയാവട്ടെയെന്ന് വികാരി നിർദേശിച്ചു. സഹ വികാരി റവ. ഫാ അനുചാലിൽ അനുഗ്രഹ പ്രഭാഷണത്തിലൂടെ വിശുദ്ധൻ്റെ ജീവിത രീതി എല്ലാവരും മാതൃകയാകട്ടെയെന്ന് ആശംസിച്ചു.
റവ. ഫാ. ജിജോ എടക്കളത്തൂര് , ആൻ്റണി തോട്ടാൻ , സി. ആർ. ആൻ്റോ ചാഴൂർ തുടങ്ങിയവർ ആശംസ പ്രസംഗം നടത്തി. എം. ഡി. ആൻ്റോ മംഗലം കൃതജ്ഞത രേഖപ്പെടുത്തി. ആൻ്റോ പാലത്തിങ്കൽ, ആൻ്റോ തോമസ്, ടി. പി. ആൻ്റണി തുടങ്ങിയവർ നേതൃത്വം നൽകി.