പരസ്പരം പുകഴ്ത്തി കേന്ദ്രമന്ത്രിയും, തൃശ്ശൂർ എം.പിയുമായ സുരേഷ് ഗോപിയും തൃശ്ശൂർ നഗരസഭാ മേയർ എം.കെ. വർഗീസും. ജനം സുരേഷ് ഗോപിയെ വിജയിപ്പിച്ചത് വലിയ പ്രതീക്ഷയോടെ ആണെന്ന വർഗീസ് പറഞ്ഞു. തൃശ്ശൂരിന്റെ വികസനത്തിനു വേണ്ടി മനസ്സിൽ വലിയ പ്രതീക്ഷയുള്ള ആളാണ് സുരേഷ് ഗോപി. വലിയ വലിയ സംരംഭവങ്ങൾ സുരേഷ് ഗോപിയുടെ മനസ്സിലുണ്ടെന്നും അദ്ദേഹം പറഞ്ഞു.
അതേസമയം രാഷ്ട്രീയം മറന്ന് വികസനം കൊണ്ടുവരാൻ ശ്രമിച്ച വ്യക്തിയാണ് എം.കെ. വർഗീസ് എന്ന് സുരേഷ് ഗോപിയും പറഞ്ഞു. അയ്യന്തോളിൽ നാഷണൽ ഹെൽത്ത് മിഷൻ പദ്ധതികളുടെ ഉദ്ഘാടന വേദിയിലായിരുന്നു മന്ത്രിയുടെയും എൽ.ഡി.എഫ്. മേയറുടെയും പരാമർശങ്ങൾ.