ഒല്ലൂർ : സ്കൂൾ കുട്ടികളെ ലക്ഷ്യമിട്ട് വിൽപ്പനയ്ക്ക് കൊണ്ടുവന്ന അരക്കിലോ കഞ്ചാവ് മിഠായുമായി മധ്യവയസ്കനെ ഒല്ലൂർ പൊലീസും കമ്മീഷണറുടെ നേതൃത്വത്തിലുള്ള ലഹരി വിരുദ്ധ സ്ക്വാഡും ചേർന്ന് അറസ്റ്റ് ചെയ്തു. ഉത്തർ പ്രദേശ് സ്വദേശി രാജു സോൻങ്കർ (42) ആണ് അറസ്റ്റിലായത് . ഇയാളിൽ നിന്ന് കഞ്ചാവ് സത്തടങ്ങിയ 79 മിഠായി പൊലീസ് പിടിച്ചെടുത്തു.
പ്രതി സഞ്ചരിച്ചിരുന്ന സ്കൂട്ടർ കസ്റ്റഡിയിലെടുത്തു . ഇൻസ്പെക്ടർ അജീഷ് , എസ്.ഐ കെ.സി ബൈജു, സിപിഒ വിനീത്, ലഹരി വിരുദ്ധ സ്ക്വാഡംഗങ്ങൾ ആയ ഗോപാലൻ, സിപിഒ മാരായ അഭീഷ് ആൻ്റണി, അനിൽകുമാർ, വിപിൻദാസ്, തുടങ്ങിയവർ കഞ്ചാവ് മിഠായി പിടി കൂടിയ സംഘത്തിൽ ഉണ്ടായിരുന്നു.