തൃപ്രയാർ : ഛത്തീസ്ഗഡ് റായ്പൂരിൽ നടന്ന അണ്ടർ 18 ദേശീയ പഞ്ചഗുസ്തി മത്സരത്തിൽ കേരളത്തിനായി മെഡൽ നേടിയ കർണ്ണ എസ് മേനോനെ കോൺഗ്രസ് നാട്ടിക നാലാം വാർഡ് കമ്മിറ്റി അനുമോദിച്ചു. കർണ എസ് മേനോന്റെ വസതിയിൽ വച്ച് നടന്ന അനുമോദന ചടങ്ങ് ബ്ലോക്ക് കോൺഗ്രസ് കമ്മിറ്റി പ്രസിഡന്റ് പി ഐ ഷൗക്കത്തലി ഷാൾ അണിയിച്ചും ഉപഹാരം നൽകിയും അനുമോദിച്ചു.
കോൺഗ്രസ് നാലാം വാർഡ് പ്രസിഡണ്ട് ശ്രീദേവി സദാനന്ദൻ അധ്യക്ഷത വഹിച്ചു. കോൺഗ്രസ് നാട്ടിക മണ്ഡലം പ്രസിഡന്റ് പി എം സിദ്ദിഖ് മുഖ്യ അതിഥി ആയിരുന്നു. യൂത്ത് കോൺഗ്രസ് മണ്ഡലം പ്രസിഡണ്ട് രാനിഷ് കെ രാമൻ, പുഷ്പാംഗദൻ ഞായക്കാട്ട്,കണ്ണൻ അന്തിക്കാട്ട്, രഘുനാഥ് നായരുശ്ശേരി, സരോജിനി പേരോത്ത്, ഗീതാഞ്ജലി തിലകൻ,
മുഹമ്മദാലി വലിയകത്ത്, പ്രമീള പൂക്കാട്ട്, ബിന്ദു ബോസ് തറപറമ്പിൽ എന്നിവർ പങ്കെടുത്തു. നാട്ടിക ഗ്രാമപഞ്ചായത്ത് നാലാം വാർഡിലെ കോങ്ങാട്ടിൽ സതീശൻ ധന്യ ദമ്പതികളുടെ മകനാണ്. കുട്ടനെല്ലൂർ സി അച്യുത മേനോൻ ഗവണ്മെന്റ് കോളേജിലെ ഡിഗ്രി ബി എ ഫസ്റ്റ് ഇയർ വിദ്യാർത്ഥിയാണ് കർണ്ണ എസ് മേനോൻ.