മതിലകം പുതിയ കാവിൽ മലഞ്ചരക്ക് വ്യാപാര സ്ഥാപനത്തിൽ മോഷണം. ആറ് ലക്ഷം രൂപയുടെ മലഞ്ചരക്ക് സാധനങ്ങൾ കവർന്നു. ശ്രീനാരായണപുരം പത്താഴക്കാട് സ്വദേശി പാമ്പിനേഴത്ത് അബ്ദുൾ റഷീദിൻ്റെ കടയിലാണ് മോഷണം നടന്നത്.
കടയുടെ പൂട്ട് പൊളിച്ചു അകത്തുകടന്ന മോഷ്ടാവ് കടയിൽ മുപ്പതുചാക്കുകളിയായി സൂക്ഷിച്ചിരുന്ന 1500 കിലോ അടക്ക,150 കിലോ ജാതിക്ക, 20 കിലോ ജാതിപത്രി,50 കിലോ ജാതി പൂവ് എന്നിവയാണ് കവർന്നത്. ഇന്ന് രാവിലെ മോഷണം ശ്രദ്ധയിൽപ്പെട്ട നാട്ടുക്കാർ മോഷണവിവരം ഉടമയെ അറിയിക്കുകയായിരുന്നു.