ചേർപ്പ് പെരുവനം പൂരം 20 -നും, ഭൂമിയിലെ ദേവസംഗമമായ ആറാട്ടുപുഴ പൂരം 23-നും ആഘോഷിക്കും. 13-ന് ചേർപ്പ് ഭഗവതീക്ഷേത്രത്തിലെ അശ്വതിവേലയോടെ ആഘോഷത്തിലെ പൊലിമയുള്ള ചടങ്ങുകൾ തുടങ്ങും. അത്തം കൊടികുത്തുവരെ ഒരു മാസത്തെ ചടങ്ങിലെ കൊടിമരം നാട്ടലും കൊടിയേറ്റവും ചേർപ്പ്, തിരുവുള്ളക്കാവ് ക്ഷേത്രങ്ങളിൽ നടന്നു.
കാർത്തിക, രോഹിണി, മകീര്യം, തിരുവാതിര പുറപ്പാടുകളും പുണർതം, ഉത്രംവിളക്കുമടക്കം നിരവധി ചടങ്ങുകളും ദേവസംഗമത്തിന്റെ മനോഹരമായ കാഴ്ചകളാണ്. 17-ന് വിവിധ ക്ഷേത്രങ്ങളിൽ കൊടിയേറ്റം, മകീര്യം പുറപ്പാട്. 19-ന് പുലർച്ചെ ആറാട്ടുപുഴ തിരുവാതിരവിളക്ക്, 21-ന് പിടിക്കപ്പറമ്പ് പൂരം, 22-ന് പിടിക്കപ്പറമ്പ് ആനയോട്ടവും ആറാട്ടുപുഴ തറയ്ക്കൽ പൂരവും, 24-ന് പുലർച്ചെ നാലരയ്ക്ക് കൂട്ടിയെഴുന്നള്ളിപ്പും 24-ന് ഗ്രാമബലിയും 25-ന് അത്തം കൊടികുത്തും നടക്കും.