ഏങ്ങണ്ടിയൂർ : ഗ്രാമപ്പഞ്ചായത്തിൽ കുടിവെള്ളം മുടങ്ങിയിട്ട് ആഴ്ചകളായി. ചേറ്റുവ ഒന്നാം വാർഡ് മന്നത്ത്-മാടക്കായി, മഹാത്മാഗാന്ധി റോഡ്, കോട്ട പരിസരം, രണ്ടാം പടന്ന, വി.എസ്. കേരളീയൻ റോഡ്, 15, 16 വാർഡുകളിലെ ചിപ്ലിമാട്, പരന്തൻമാട്, വഞ്ചിക്കടവ്, കടപ്പുറം, മീൻകടവ് മേഖലകളിലും വെള്ളക്ഷാമം രൂക്ഷമാണ്.
പഞ്ചായത്ത് തനതുഫണ്ട് ഉപയോഗിച്ച് വല്ലപ്പോഴും വാഹനമെത്തുന്ന വഴിയരികിലെ വീടുകളിൽ മാത്രമാണ് വെള്ളം നൽകുന്നത്. ജനങ്ങളുടെ ദുരിതം കണക്കിലെടുത്ത് യുദ്ധകാലാടിസ്ഥാനത്തിൽ പണികൾ പൂർത്തീകരിച്ച് കുടിവെള്ളവിതരണം കാര്യക്ഷമമാക്കാൻ ജല അതോറിറ്റിയും, ഗ്രാമപ്പഞ്ചായത്തും ജാഗ്രത കാണിക്കണമെന്ന് ഗ്രാമപ്പഞ്ചായത്ത് മുൻ അംഗവും ഡി.സി.സി. അംഗവുമായ ഇർഷാദ് കെ. ചേറ്റുവ പറഞ്ഞു.