വലപ്പാട് : കവി കുഞ്ഞുണ്ണി മാഷുടെ പതിനെട്ടാം ചരമ വാര്‍ഷിക ദിനമായ ഇന്ന് (ചൊവ്വാഴ്ച) കേരള സാഹിത്യ അക്കാദമിയും വലപ്പാട് കുഞ്ഞുണ്ണി മാഷ് സ്മാരക ഭരണ സമിതിയും ചേര്‍ന്ന് അനുസ്മരണ പരിപാടി നടത്തും. രാവിലെ പത്തിന് കുഞ്ഞുണ്ണി മാഷുടെ സ്മൃതി കുടീരത്തില്‍ പുഷ്പാര്‍ച്ചനയുണ്ടാകും.
10.15-ന് കുഞ്ഞുണ്ണി മാഷ് സ്മാരകത്തില്‍ നടക്കുന്ന അനുസ്മരണ സമ്മേളനം സി.സി. മുകുന്ദന്‍ എം.എല്‍.എ. ഉദ്ഘാടനം ചെയ്യും. വലപ്പാട് ഗ്രാമപ്പഞ്ചായത്ത് പ്രസിഡന്റ് ഷിനിത ആഷിക് അധ്യക്ഷയാകും. സാഹിത്യ അക്കാദമി പ്രസിഡന്റ് സച്ചിദാനന്ദന്‍ മുഖ്യപ്രഭാഷണം നടത്തും. വൈസ് പ്രസിഡന്റ് അശോകന്‍ ചരുവില്‍ അനുസ്മരണ പ്രഭാഷണം നടത്തും.