ലോക്സഭാ തിരഞ്ഞെടുപ്പിനുള്ള നാമനിര്ദേശ പത്രിക കേരളത്തില് ഇന്നു മുതല് സമര്പ്പിക്കാം. രാവിലെ 11 മുതല് വൈകിട്ട് മൂന്നു വരെയാണ് പത്രികാ സമര്പ്പണത്തിനുള്ള സമയം. നെഗോഷ്യബിള് ഇന്സ്ട്രുമെന്റ്സ് ആക്ട് പ്രകാരം അവധി ദിനങ്ങളായ മാര്ച്ച് 29, 31, എപ്രില് ഒന്ന് തീയതികളില് പത്രിക സമര്പ്പിക്കാനാവില്ല.
ഏപ്രില് നാലാണ് നാമനിര്ദേശ പത്രിക സമര്പ്പിക്കാനുള്ള അവസാന തീയതി. ഏപ്രില് അഞ്ചിന് സൂക്ഷ്മ പരിശോധന നടക്കും. ഏപ്രില് എട്ടാണ് പത്രിക പിന്വലിക്കാനുള്ള അവസാന തിയ്യതി. നാമനിര്ദേശ പത്രിക സ്വീകരിക്കുന്നതിനും തുടര് നടപടികള്ക്കും എല്ലാവിധ ഒരുക്കങ്ങളും പൂര്ത്തിയായതായി മുഖ്യ തെരഞ്ഞെടുപ്പ് ഓഫീസര് സഞ്ജയ് എം കൗള് അറിയിച്ചു.