ചേർപ്പ് : മുത്തുള്ളിയാലിൽ നിയന്ത്രണംവിട്ട കാർ വൈദ്യുതിക്കാൽ തകർത്ത് മതിലിൽ ഇടിച്ചു നിന്നു. വ്യാഴാഴ്ച വൈകീട്ട് ആറുമണിയോടെ മുത്തുള്ളിയാൽ പള്ളിക്ക് മുൻപിലാണ് അപകടം. സാങ്കേതിക തകരാറുമൂലം നിയന്ത്രണംവിട്ട കാറിൽനിന്ന് ഡ്രൈവർ ചാടിയിറങ്ങി.
വൈദ്യുതിക്കമ്പികൾ റോഡിൽ പൊട്ടിവീണതുമൂലം അരമണിക്കൂറോളം ഇതുവഴി സ്വകാര്യ ബസുകൾ അടക്കമുള്ള വാഹനങ്ങളുടെ ഗതാഗതം തടസ്സപ്പെട്ടു.