തൃശ്ശൂർ : പ്രസവം നിർത്തുന്നതിനുള്ള ശസ്ത്രക്രിയയെ തുടർന്ന് യുവതി മരിച്ചു. മാള പാറപ്പുറം ചക്കിയത്ത് സിജോയുടെ ഭാര്യ നീതു (31) ആണ് മരിച്ചത്. ശസ്ത്രക്രിയ നടത്തിയ ചാലക്കുടി പാലസ് ആശുപത്രിക്കെതിരെ ബന്ധുക്കൾ. പ്രസവം കഴിഞ്ഞ് 9 ദിവസത്തിനു ശേഷം തിങ്കളാഴ്ചയായിരുന്നു ശസ്ത്രക്രിയ.
ഒൻപത് ദിവസം മുൻപ് പ്രസവം കഴിഞ്ഞ് വീട്ടിലെത്തിയ ശേഷമാണ് ചാലക്കുടിയിലെ പാലസ് ആശുപത്രിയിൽ ശസ്ത്രക്രിയ നടത്തിയത്. അനസ്തേഷ്യ നൽകിയതിലെ അപാകമാണ് മരണത്തിന് ഇടയാക്കിയതെന്നാണ് ബന്ധുക്കളുടെ പരാതി. നീതുവിന് മറ്റു രണ്ട് കുട്ടികളുണ്ട്.