നാട്ടികയിൽ ആർഎസ്എസ് നേതാവിന്റെ വീടിന് നേരെ ആക്രമണം. ആർഎസ്എസ് തൃപ്രയാർ ഖണ്ഡ് ശാരീരിക് പ്രമുഖ് ഷെറിൻ തിലകന്റെ വീടിന് നേരെയാണ് ആക്രമണം നടന്നത്. ഇന്നലെ രാത്രിയിലാണ് സംഭവം. വീടിന്റെ ജനൽചില്ലുകളും, വീട്ടുവളപ്പിൽ പാർക്ക് ചെയ്തിരുന്ന കാറിന്റെ ചില്ലുകളും തകർത്തു.
ഷെറിനും കുടുംബവും വീടിനകത്ത് ടി വി കണ്ട് കൊണ്ടിരുന്നപ്പോഴാണ് ആക്രമണം നടന്നത്. ബൈക്കിലെത്തിയ സംഘമാണ് ആക്രമണം നടത്തിയത്. സ്ഥലത്ത് വലപ്പാട് പോലീസും വിരലടയാള വിദഗ്ധരും എത്തി തുടർനടപടികൾ സ്വീകരിച്ചു.