ചെന്ത്രാപ്പിന്നി : എടത്തിരുത്തി പഞ്ചായത്തിലെ ചാമക്കാല സൗഹൃദ തീരം പാർക്കിലേക്കുള്ള പ്രവേശന പാലം തകർന്നു. പ്രദേശത്തെ ടീം ഓഫ് ചാമക്കാല എന്ന കൂട്ടായ്മ നിർമ്മിച്ചിരുന്ന മരപ്പാലമാണ് തകർന്നത്. കുട്ടികളുടെ പാർക്കിലേക്കും ബീച്ചിലേക്കും കളിസ്ഥലത്തേക്കും കടക്കാനായി നിരവധിയാളുകൾ ആശ്രയിച്ചിരുന്നത് ഈ പാലമാണ്.
കടലോരത്തെ ഉപ്പും കാറ്റും അടിച്ച് പാലം നാശത്തിന്റെ വക്കിലെത്തിയപ്പോൾ പകരം സംവിധാനമേർപ്പെടുത്തമെന്ന് ആവശ്യമുയർന്നെങ്കിലും ഇനിയും നടപ്പായിട്ടില്ല. പാലം പൂർണ്ണമായും തകർന്നതോടെ കടലോരത്തേക്ക് കടക്കണമെങ്കിൽ ഒരു കിലോമീറ്ററിലധികം ചുറ്റിവളഞ്ഞു വരേണ്ട അവസ്ഥയാണ്