പെരിഞ്ഞനം മൂന്നുപീടികയിയിലെ സെയിൻ ഹോട്ടലിൽ നിന്നും ഭക്ഷണം കഴിച്ചതിനെ തുടർന്ന് ഭക്ഷ്യ വിഷബാധയേറ്റ വീട്ടമ്മ മരിച്ചു. പെരിഞ്ഞനം കുറ്റിലക്കടവ് പൊൻമാനിക്കുടം പള്ളിക്കടുത്ത് രായാംമരക്കാർ വീട്ടിൽ ഹസ്ബുവിൻ്റെ ഭാര്യ ഉസൈബ (56) ആണ് തൃശൂർ മെഡിക്കൽ കോളേജ് ആശുപത്രിയിൽ വെച്ച് ചികിത്സയിലിരിക്കെ മരിച്ചത്.
ശനിയാഴ്‌ച രാത്രി പാർസൽ വാങ്ങിയ ഭക്ഷണം കഴിച്ച ഇവർക്ക് തിങ്കളാഴ്‌ച രാവിലെയാണ് അസ്വസ്ഥത തോന്നി ആശുപത്രിയിൽ പ്രവേശിപ്പിച്ചത്. ഇന്ന് പുലർച്ചെയാണ് മരിച്ചത്.