തൃശൂർ : മാംസവിൽപ്പനക്കടയിലെ മലിനജലം ഒഴുക്കുന്നതുമായി ബന്ധപ്പെട്ടുള്ള തർക്കം മുണ്ടൂരിൽ യുവാവിന് കുത്തേറ്റു. മുണ്ടൂർ സ്വദേശി പുത്തൂക്കര വീട്ടിൽ ആന്റോയുടെ മകൻ ആനന്ദിനാണ് കുത്തേറ്റത്. ആനന്ദിൻ്റെ വീടിന് സമീപത്തെ പുണ്യാളൻ ഫിഷ് മാർക്കറ്റ് ഉടമ ആൻ്റോ എഡിസനാണ് കുത്തിയത്. മത്സ്യ-മാംസ മാലിന്യം ഇടുന്നത് സംബന്ധിച്ച തർക്കമാണ് ആക്രമണത്തിന് കാരണം.
മുണ്ടൂർ പുണ്യാളൻ ഫിഷ് മാർക്കറ്റ് കടയുടെ സമീപത്ത് ഞായറാഴ്ച രാത്രി ഏഴേമുക്കാലോടെയാണ് സംഭവം. മുണ്ടൂർ പെരിങ്ങന്നൂർ തലക്കോട്ടുകര വീട്ടിൽ ആന്റോ എഡിസന്റെ (30)പേരിൽ പേരാമംഗലം പോലീസ് കേസെടുത്തു.