തൃശ്ശൂര്‍ : പരോളിലിറങ്ങിയ കൊലക്കേസ്സ് പ്രതി വയോധിയെ ആക്രമിച്ചു. വരന്തരപ്പിള്ളി കരിയാംപാടം സ്വദേശി കീടായി രതീഷ് ആണ് വീടിനടുത്തുള്ള ബന്ധുകൂടിയായ 70-കാരിയെ ആക്രമിച്ചത്. സംഭവത്തില്‍ രതീഷിനെ പോലീസ് അറസ്റ്റ് ചെയ്തു. കൊലക്കേസില്‍ ശിക്ഷിക്കപ്പെട്ട രതീഷ് ഒരുമാസത്തേക്കാണ് പരോളിലിറങ്ങിയിരുന്നത്.
വിവരമറിഞ്ഞ് സ്ഥലത്തെത്തിയ വരന്തരപ്പിള്ളി പോലീസ് ബലംപ്രയോഗിച്ചാണ് ഇയാളെ കസ്റ്റഡിയിലെടുത്തു. തുടര്‍ന്ന് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. ആക്രമണത്തില്‍ 70-കാരിക്ക് പരിക്കേറ്റിട്ടുമുണ്ട്.
2020 – ലാണ് കീടായി രതീഷ് കൊലക്കേസില്‍ ഉള്‍പ്പെട്ട് ജയിലിലായത്. ഇയാള്‍ സ്ഥിരം പ്രശ്‌നക്കാരനാണെന്നാണ് പോലീസ് പറയുന്നത്. ഇയാള്‍ക്ക് പരോള്‍ അനുവദിക്കരുതെന്നും പോലീസ് പലതവണ നേരത്തെ റിപ്പോര്‍ട്ട് നല്‍കിയിരുന്നു.