നാട്ടികയിൽ ദേശീയപാത നിർമ്മാണ പ്രവർത്തങ്ങളുടെ ഭാഗമായി തോട് മണ്ണിട്ട് നികത്തിയതുമൂലം പ്രദേശത്ത് മഴ പെയ്തതിനെ തുടർന്ന് 40 ഓളം വീടുകൾചുറ്റും വെള്ള കെട്ടിലായി. തുടർന്ന് ജനങ്ങളുടെ പരാതിയിൽ എം എൽ എ സിസി മുകുന്ദൻ സ്ഥലം സന്ദർശിക്കുകയും വെള്ളക്കെട്ടിനെ തുടർന്ന് പ്രദേശവാസികളുടെ ദുരിതം നേരിട്ട് ബോധ്യപ്പെട്ടതിനെ തുടർന്ന് എംഎൽഎ അടിയന്തരമായി ഇടപെടുകയായിരുന്നു.
വെള്ളം ഒഴുകി പോകുവാൻ തടസ്സങ്ങൾ ഉണ്ടായിരുന്ന തോട്, മണ്ണ് തിട്ടകൾ തുടങ്ങിയവ ദേശീയ പാത അതോറിറ്റി അധികൃതരെ കൊണ്ട് ജെ.സി.ബി ഉപയോഗിച്ച് പൊളിപ്പിച്ച് കെട്ടി കിടന്ന വെള്ളം ഒഴുകി പോകുന്നതിനുള്ള സംവിധാനം ഒരുക്കിയാണ് വെള്ളക്കെട്ട് ഒഴിവാക്കിയത്.