സംസ്ഥാനത്ത് സ്വര്‍ണവിലയില്‍ വന്‍ വര്‍ധന. മാസത്തില്‍ ആദ്യമായി സ്വര്‍ണവില 54,000 പിന്നിട്ടു. ഇന്ന് പവന് 520 രൂപ കുതിച്ച് 54,120 രൂപയിലും, ഗ്രാമിന് 65 രൂപ കൂടി 6,765 രൂപയിലുമാണ് ഇന്നു വ്യാപാരം പുരോഗമിക്കുന്നത്. ഇന്നലെ ഗ്രാമിന് 6,700 രൂപയും, പവന് 53,600 രൂപയുമായിരുന്നു വില.
ഈ മാസം തുടക്കം മുതല്‍ ഒന്നിടവിട്ട ദിവസങ്ങളില്‍ സ്വര്‍ണവില കുതിക്കുകതാണ്. 53,000 രൂപയില്‍ മാസം ആരംഭിച്ച സ്വര്‍ണമാണ് ഇന്ന് 54,120 രൂപയില്‍ എത്തിനില്‍ക്കുന്നത്.ആറു ദിവസം കൊണ്ട് പവന് 1,160 രൂപയുടെ വര്‍ധനയാണ് രേഖപ്പെടുത്തിയിരിക്കുന്നത്.