ഇരിങ്ങാക്കുട : കരുവന്നൂർ പുഴയിൽ ചാടിയ യുവാവിനായുള്ള തിരച്ചിൽ അവസാനിപ്പിച്ചു. ഇരിങ്ങാലക്കുട പുതുക്കാട് തൃശ്ശൂർ എന്നിവിടങ്ങളിൽ നിന്നുള്ള സ്കൂബാടീം അടക്കം എത്തിയാണ് ബുധനാഴ്ച്ച രാത്രി 11 മണി മുതൽ ആരംഭിച്ച തിരച്ചിൽ ആണ് താൽക്കാലികമായി നിർത്തിയത്.
പുഴയിൽ കിലോമീറ്ററോളം ദൂരം ഫയർഫോഴ്സ് തിരച്ചിൽ നടത്തിയെങ്കിലും കണ്ടെത്താനായില്ല. വെള്ളിയാഴ്ച രാവിലെ മുതൽ ആരംഭിച്ച മഴ തിരച്ചിലിനെ പ്രതികൂലമായി ബാധിച്ചു. ബുധനാഴ്ച്ച രാത്രി 10 മണിയോടെയാണ് സംഭവം. ഇരിങ്ങാക്കുട കൊരുമ്പിശ്ശേരി സ്വദേശി വലിയ വീട്ടിൽ വേണു മകൻ ഹരികൃഷ്ണൻ (20) എന്ന യുവാവാണ് ആത്മഹത്യ ശ്രമം നടത്തിയത്.
സുഹൃത്തുക്കൾക്ക് ഫോണിൽ സന്ദേശം നൽകിയാണ് ഇയാൾ കരുവന്നൂർ വലിയ പാലത്തിന് മുകളിൽ നിന്നും പുഴയിലേയ്ക്ക് ചാടിയത്. കനത്ത മഴയിൽ കരുവന്നൂർ പുഴ നിറഞ്ഞ് കവിഞ്ഞ് ഒഴുകുന്നതിനാൽ നല്ല അടിയൊഴുക്കും പുഴയിൽ ഉണ്ട്.