കരകവിഞ്ഞൊഴുകുന്ന കനോലിപ്പുഴ കയ്പമംഗലം പഞ്ചായത്തിന്റെ കിഴക്കൻ മേഖലയെ വെള്ളത്തിൽ മുക്കി. പള്ളിനട സ്കൂളിന് കിഴക്ക് ഭാഗം മുതൽ തെക്കോട്ട് കാക്കാതിരുത്തി എൽ.ബി.എസ്. കോളനി വരെ നൂറ് കണക്കിന് വീടുകളാണ് വെള്ളത്തിലായത്.
ചളിങ്ങാട് അമ്പലനട കിഴക്ക് ഭാഗം, കൂനിപറമ്പ് കിഴക്ക് ഭാഗം, എൽ.ബി.എസ്. കോളനി എന്നിവിടങ്ങളിൽ സ്ഥിതി ദയനീയമാണ്. വീടുകൾ വാസ യോഗ്യമല്ലാതായതോടെ മിക്കവരും ബന്ധുവീടുക്കളിലേക്ക് മാറി. ഇന്നലെ ഉണ്ടായിരുന്നതിനേക്കാൾ ഒരടിയോളം വെള്ളം ഇന്ന് കൂടിയിട്ടുണ്ട്.