ഇരിങ്ങാലക്കുട : വയനാട് ദുരന്തബാധിതർക്ക് സഹായവുമായി നഗരസഭയുടെ മുൻ വൈസ് ചെയർമാനും കുടുംബവും. മുൻ വൈസ്ചെയർമാനും ദീർഘകാലം നഗരസഭ ഭരണസമിതി അംഗവുമായിരുന്ന കെ വേണുഗോപാൽ, ഭാര്യ ശാന്ത, ഭാര്യ സഹോദരി സുശീല, മകൻ ബാലഗോപാൽ, മരുമകൾ ശ്രീകല ,
കൊച്ചുമകൾ ഗൗരി ബി മേനോൻ എന്നിവർ മുഖ്യമന്ത്രിയുടെ വയനാട് ദുരിതാശ്വാസ ഫണ്ടിലേക്ക് രണ്ട് ലക്ഷം രൂപയുടെ ചെക്ക് ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദുവിന് കൈമാറി. പ്രളയക്കാലത്ത് രണ്ടര ലക്ഷവും കോവിഡ് സമയത്ത് മൂന്ന് ലക്ഷം രൂപയും മുഖ്യമന്ത്രിയുടെ ദുരിതാശ്വാസഫണ്ടിലേക്ക് ഇവർ നൽകിയിരുന്നു.