മലപ്പുറം: കാറിന്റെ എഞ്ചിന് അടിയിലെ പ്രത്യേക അറയില് ഒളിപ്പിച്ച് കടത്താന് ശ്രമിച്ച 104 ഗ്രാം എംഡിഎംഎയുമായി എയ്ഡഡ് എല് പി സ്കൂള് മാനേജര് അടക്കം രണ്ടുപേർ അറസ്റ്റിൽ. ബംഗലൂരുവില് നിന്നാണ് ഇവര് ലഹരിമരുന്ന് കൊണ്ടുവന്നത്.
തിരൂരങ്ങാടി കൊടിഞ്ഞി സ്വദേശികളായ ദാവൂദ് ഷമീല് (39), ഷാനിദ്(30) എന്നിവരാണ് അറസ്റ്റിലായത്. ചൊവ്വാഴ്ച പുലര്ച്ചെ 12-ഓടെയാണ് ഇരുവരും പിടിയിലായത്. ജില്ലാ പൊലീസ് മേധാവി ശശിധരന് ലഭിച്ച രഹസ്യവിവരത്തെ തുടര്ന്ന് നടത്തിയ വാഹനപരിശോധനയിലാണ് പ്രതികള് കുടുങ്ങിയത്.