കൊടുങ്ങല്ലൂർ വടക്കേനടയിൽ ബസ് യാത്രക്കാരിയുടെ മാലപൊട്ടിച്ച കേസിൽ പിടിയിലായ രണ്ട് സ്ത്രീകളെ കോടതി റിമാന്റ് ചെയ്തു. തമിഴ്‌നാട് പളനി മാനൂർ സ്വദേശികളായ നിരഞ്ജന, രുദ്ര എന്നിവരാണ് റിമാൻ്റിലായത്.
ഇന്ന് രാവിലെ 9 മണിയോടെയാണ് അഞ്ചങ്ങാടി സ്വദേശിയായ വീട്ടമ്മയുടെ 7 പവന്റെ മാല പർദ്ദ ധരിച്ചെത്തിയ ഇവർ ബസ്സിൽ വെച്ച് പൊട്ടിച്ചത്. കണ്ടക്ടറും മറ്റ് യാത്രക്കാരും ചേർന്ന് ഇവരെ കയ്യോടെ പിടികൂടി പോലീസിലേൽപ്പിക്കുകയായിരുന്നു