ഗുരുവായൂര്‍ : കോട്ടപ്പടിയില്‍ പടക്കം പൊട്ടിക്കുന്നതിനെ ചൊല്ലി തര്‍ക്കം. സംഘട്ടനത്തില്‍ നാല് പേര്‍ക്ക് പരിക്കേറ്റു. കോട്ടപ്പടി സ്വാതി നഗറില്‍ പണ്ടാരത്തില്‍ സനീഷ്, തയ്യില്‍ ബിനേഷ്, മാഞ്ചേരി ഷാജു , സഹോദരന്‍ രാജേഷ് എന്നിവര്‍ക്കാണ് പരിക്കേറ്റത്. ഞായറാഴ്ച രാത്രിയോടെയാണ് സംഘട്ടനം നടന്നത്.
സ്വാതി നഗറില്‍ ഇരിക്കുകയായിരുന്ന ഇവര്‍ക്ക് നേരെ മറ്റൊരു സംഘം പടക്കം എറിയുകയായിരുന്നു. ഇതിനെ ചോദ്യം ചെയ്തതോടെ ഇരു വിഭാഗവും തമ്മില്‍ സംഘട്ടനമായി. പരിക്കേറ്റവര്‍ തൃശൂര്‍ മെഡിക്കല്‍ കോളേജ് ആശുപത്രിയില്‍ അടിയന്തര ചികിത്സ തേടി. ഗുരുവായൂര്‍ പോലീസ് സ്ഥലത്തെത്തി.