കൊടുങ്ങല്ലൂർ അഴീക്കോട് നിന്നും എക്സൈസ് നടത്തിയ സ്പഷ്യൽ ഡ്രൈവിൽ മൂന്ന് കിലോ കഞ്ചാവുമായി ഇതര സംസ്ഥാന തൊഴിലാളി പിടിയിൽ. അഴിക്കോട് മാർത്തോമ നഗറിൽ താമസിക്കുന്ന പശ്ചിമ ബംഗാൾ സ്വദേശി വിപുൽ ദാസിന്റെ പക്കൽ നിന്നും വിൽപ്പനക്കായി കൊണ്ടുവന്ന കഞ്ചാവാണ് പിടികൂടിയത്.
ലോക്സഭാ തിരഞ്ഞെടുപ്പിനോടനുബന്ധിച്ചു തീരദേശത്ത് വിൽപ്പനയ്ക്കായി കൊണ്ടുവന്നതാണിതെന്നു എക്സൈസ് പറഞ്ഞു. കൊടുങ്ങല്ലൂർ എക്സൈസ് റേഞ്ച് ഇൻസ്പെക്ടർ എം. ഷാംനാഥിൻ്റെ നേതൃത്വത്തിലുള്ള സംഘമാണ് പരിശോധന നടത്തിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു