അന്തിക്കാട് : പുത്തൻപീടികയിൽ ജപ്തി നടപടി നേരിട്ട കുടുംബത്തോട് അന്തിക്കാട് എസ് ഐ മോശമായി പെരുമാറിയതിൽ വ്യാപക പ്രതിഷേധം. വിഷയം സംബന്ധിച്ച് അന്തിക്കാട് പൊലീസ് സ്റ്റേഷനിൽ സംസാരിക്കാൻ ചെന്ന സിപിഐ എം അന്തിക്കാട് ലോക്കൽ സെക്രട്ടറി എ വി ശ്രീവത്സനെ എസ്ഐ പ്രവീൺ അധിക്ഷേപിച്ചു.
ജപ്തി നടപടി നേരിട്ട സുരേഷ് ചക്കിത്തറയോടും കുടുംബത്തോടും തുടക്കം മുതൽതന്നെ എസ്ഐ ശത്രുതാപരമായ സമീപനമാണ് സ്വീകരിച്ചത്. സുരേഷിനെ കരുതൽ തടങ്കലിൽ വച്ചതിനുശേഷമാണ് ജപ്തി നടപടികൾക്ക് എസ്ഐയും സംഘവും സുരക്ഷ പോയത്. ഈ കാര്യങ്ങളെക്കുറിച്ച് സംസാരിക്കാൻ ചെന്ന ശ്രീവത്സനോട് സഭ്യമല്ലാത്ത ഭാഷയാണ് ഓഫീസർ നടത്തിയത്.
ബലപ്രയോഗത്തിലുടെ ഭീകരാന്തരീക്ഷം സൃഷ്‌ടിച്ചാണ് സുരേഷിൻ്റെ കുടുംബത്തെ ഒഴിവാക്കിയത്. എസ്ഐ ഉൾ പ്പെടെയുടെയുള്ള ഉദ്യോഗസ്ഥർ ക്കെതിരെ നടപടി സ്വീകരിക്കണമെന്നും എ വി ശ്രീവത്സൻ ആവശ്യപ്പെട്ടു.