ബിജെപി അക്കൗണ്ട് തുറക്കും. കേരളത്തിൽ അല്ല മറിച്ച് ബാങ്കിലായിരിക്കുമെന്ന് തൃശൂർ ലോക്സഭാമണ്ഡലം യുഡിഫ് സ്ഥാനാർഥി കെ മുരളീധരൻ. ചൊവ്വാഴ്ച രാവിലെ വരെ താമര വിരിഞ്ഞോട്ടെയെന്നും ശേഷം വാടിക്കോളുമെന്നും മുരളീധരൻ തൃശൂരിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം .
തിരഞ്ഞെടുപ്പിന് രംഗത്ത് ഇറങ്ങിയത് മുതൽ പാർട്ടിക്കോ സ്ഥാനാർത്ഥിക്കോ തെല്ലും സംശയമില്ലെന്നും വിജയം ഉറപ്പാണെന്നും അദ്ദേഹം പറഞ്ഞു. അഞ്ച് നിയോജകമണ്ഡലങ്ങളിൽ വൻ ഭൂരിപക്ഷം നേടും . പാർട്ടി പൂർണ ആത്മവിശ്വാസത്തിലാണ് താനും.
തൃശൂരിൽ താമര വിരിയുമെന്ന റിപ്പോർട്ടുകൾ അപ്പാടെ തള്ളിയ അദ്ദേഹം ചൊവ്വാഴ്ച രാവിലെ എട്ട് വരെ അത് വിരിഞ്ഞൊട്ടെയന്നും ശേഷം വാടികൊള്ളുമെന്നും പരിഹസിച്ചു. കേരളത്തിൽ ബിജെപി അകൗണ്ട് തുറക്കുമെന്ന റിപ്പോർട്ടുകളിലും പ്രതികരണം അറിയിച്ച അദ്ദേഹം കേരളത്തിൽ അല്ല ബാങ്കിലായിരിക്കും അവർ അക്കൗണ്ട് തുറക്കുകയെന്നായിരുന്നു അദ്ദേഹത്തിന്റെ മറുപടി