തൃശ്ശൂര്‍ (കയ്പമംഗലം) : കാളമുറിയിൽ അണലിയെ പിടികൂടി. സെൻ്ററിന് പടിഞ്ഞാറ് ഭാഗത്തുള്ള കയ്പമംഗലം പോസ്‌റ്റോഫിസിനടുത്തുള്ള പറമ്പിലാണ് അണലിപ്പാമ്പിനെ കണ്ടത്. വന്യജീവി സംരക്ഷകനും, പരിസ്ഥിതി പ്രവർത്തകനുമായ മതിലകം അൻസാരിയെത്തി പാമ്പിനെ പിടികൂടുകയായിരുന്നു.
നാലടിയിലേറെ വലിപ്പമുള്ള പാമ്പാണ്. അണലിയുടെ കുഞ്ഞിനേയും ലഭിച്ചിട്ടുണ്ട്, ഇവയെ വനപാലകർക്ക് കൈമാറുമെന്ന് അൻസാരി അറിയിച്ചു. കഴിഞ്ഞ ദിവസം ഇതേ സ്ഥലത്ത് നിന്നും മറ്റൊരു അണലിയെയും പിടികൂടിയിരുന്നു. കാളമുറി സെൻററിൽ ഇന്നലെ രാത്രി പാമ്പ് കടിയേറ്റ ഒരാളെ ഇരിഞ്ഞാലക്കുടയിലെ ആശുപത്രിയിൽ പ്രവേശിപ്പിച്ചിട്ടുണ്ട്.