തൃശൂര് : ചേർപ്പിൽ ഓട്ടോറിക്ഷക്ക് തീ പിടിച്ചത് പരിഭ്രാന്തി പരത്തി. ചേർപ്പ് സെന്ററിലെ ഓട്ടോ ഡ്രൈവർമാരുടെയും വ്യാപാരിയുടെയും സമയോചിതമായ ഇടപെടൽ മൂലം ഒഴിവായാത് വന്ദുരന്തം. ശനിയാഴ്ച ആറരയോടെ ചേർപ്പ് ചന്തയുടെ കവാടത്തിൽ ആയിരുന്നു സംഭവം.
യാത്രക്കിടെ തകരാറ് മൂലം ഓട്ടോറിക്ഷ ഒതുക്കിയിടാൻ ശ്രമിക്കുന്നതിനിടെ ഓട്ടോയുടെ എൻജിൻ്റെ ഭാഗത്ത് തീ പിടിക്കുകയായിരുന്നു. ഇതുകണ്ട ഓട്ടോ സ്റ്റാൻഡിലെ ഡ്രൈവർമാർ ഓടിയെത്തി. സമീപത്തെ താജ് ബേക്കറി ഉടമ റോബർട്ടും കടയിൽ നിന്നും ബക്കറ്റിലെ വെള്ളവുമായി എത്തി തീ കെടുത്താൻ ശ്രമിക്കുകയും ഡ്രൈവർമാർ ഓട്ടോ ചെരിച്ച് നിറുത്തിയ ശേഷം ശക്തമായി വെള്ളം തെളിച്ച് കെടുത്തുകയായിരുന്നു. മിനിറ്റുകൾക്കുള്ളിൽ തീ പൂർണ്ണമായി കെടുത്താനായി.