വടക്കാഞ്ചേരി : ഏഴ് വയസുകാരിയെ വീട്ടിൽ നിന്ന് കടത്തികൊണ്ടുപോയി അകമലയിലെ പാതയോരത്ത് വെച്ച് പീഡിപ്പിച്ച ടിപ്പർ ലോറി ഡ്രൈവർ പോലീസ് പിടിയിലായി. വടക്കാഞ്ചേരി ഒന്നാം കല്ലിൽ താമസിക്കുന്ന ചെറുതുരുത്തി സ്വദേശി അബ്ദുറഹ്മാനെ (36) യാണ് വടക്കാഞ്ചേരിപോലീസ് അറസ്റ്റ് ചെയ്തത്.
ശനിയാഴ്ചയാണ് കേസിനാസ്പദമായ സംഭവം. കുട്ടിയെ ടിപ്പറിൽ കയറ്റികൊണ്ട് പോയി അകമലയിലെ ആളൊഴിഞ്ഞ സ്ഥലത്ത് വെച്ച് പീഡിപ്പിക്കുകയുമായിരുന്നു. തുടർന്ന് കുട്ടിയെ വീട്ടിൽകൊണ്ട് വിടുകയും ചെയ്തു. പീഢന വിവരം കുട്ടി വീട്ടുകാരെ അറിയിക്കുകയായിരുന്നു. പ്രതിയെ അകമലയിലെത്തിച്ച് തെളിവെടുത്തു. കോടതി റിമാൻ്റ് ചെയ്തു.