തൃശ്ശൂർ : പരസ്യ കമ്പനിയുടെ അക്കൗണ്ടില്നിന്ന് 1.38 കോടി രൂപ തട്ടിയെടുത്ത കേസില് ഫിനാന്സ് മാനേജര് അറസ്റ്റില്. ആമ്പല്ലൂര് വട്ടണാത്ര തൊട്ടിപ്പറമ്പില് ടി.യു. വിഷ്ണുപ്രസാദ് (30) ആണു മുന്കൂര് ജാമ്യാപേക്ഷ തള്ളിയതിനെത്തുടര്ന്നു കോടതിയില് കീഴടങ്ങിയത്.
വളപ്പില കമ്യൂണിക്കേഷന്സില് 2022 നവംബര് മുതല് ഫിനാന്സ് മാനേജറായി ജോലി ചെയ്തിരുന്ന വിഷ്ണുപ്രസാദ് ഹെഡ് ഓഫിസിലെ അക്കൗണ്ട് ദുരുപയോഗിച്ചാണു പണം തട്ടിയെടുത്തത്. സ്ഥാപനത്തിന്റെ പേരില് ജിഎസ്ടി, ഇന്കം ടാക്സ്, ടിഡിഎസ് തുടങ്ങിയവ അടച്ചെന്നു വ്യാജരേഖ തയാറാക്കിയാണു വിഷ്ണുപ്രസാദ് തട്ടിപ്പു നടത്തിയത്.