ദേശീയപാത നിര്‍മ്മാണത്തിനിടെ എസ്.എന്‍.പുരം പുവ്വത്തുംകടവ് പാലത്തിനടുത്ത് അപകടം. കൂറ്റന്‍ ക്രെയിനില്‍ പാലത്തിന്റെ കോൺക്രീറ്റ് ഗര്‍ഡര്‍ കൊണ്ടു പോകുന്നതിനിടെ ബാലന്‍സ് ചെയ്യാനായി തൂക്കയിട്ടിരുന്ന ഇരുമ്പ് കട്ട ദേഹത്ത് തട്ടി ബീഹാര്‍ സ്വദേശിയായ തൊഴിലാളി മരിച്ചു.
ഇന്ന് വൈകീട്ട് നാലേകാലോടെ എസ്.എന്‍.പുരം പുവ്വത്തുംകടവ് പാലത്തിനടുത്താണ് അപകടമുണ്ടായത്. ഇവിടെ നിര്‍മ്മിച്ചുകൊണ്ടിരിക്കുന്ന ബൈപ്പാസില്‍ സ്ഥാപിക്കാനുള്ള പാലത്തിന്റെ കൂറ്റന്‍ കോൺക്രീറ്റ് ഗര്‍ഡര്‍ കൊണ്ടുപോകുന്ന ക്രെയിനാണ് അപകടത്തില്‍പെട്ടത്. മൃതദേഹം കൊടുങ്ങല്ലൂര്‍ താലൂക്കാശുപത്രിയിലേക്ക് മാറ്റിയിട്ടുണ്ട്‌.