ആറാട്ടുപുഴ പൂരം കഴിഞ്ഞു തൃപ്രയാർ തേവർ ഇന്ന് (ഞായറാഴ്ച) തിരിച്ചെഴുന്നള്ളും. ചിറയ്ക്കൽ വെണ്ടറശ്ശേരി ക്ഷേത്രത്തിൽ ഭക്തർക്ക് കഞ്ഞി വിതരണം ചെയ്യും. ഉച്ചയ്ക്കുശേഷം ഉത്രംവിളക്ക് ആഘോഷമുണ്ടാകും. തേവർ തിരിച്ചെത്തിയശേഷം ഉഷഃപൂജ നടക്കും. തുടർന്ന് മകീര്യം പുറപ്പാട് ചടങ്ങുകൾ ആവർത്തിക്കും.
ഊരായ്മക്കാരുടെ അനുമതിയോടെ തേവരെ മണ്ഡപത്തിലേക്ക് എഴുന്നള്ളിച്ചുവയ്ക്കും. ബ്രാഹ്മണിപ്പാട്ടിനുശേഷം പുറത്തേക്ക് എഴുന്നള്ളിക്കും. മൂന്നാനകളോടെ പടിഞ്ഞാറേ നടയിലെത്തുന്ന തേവർ അഞ്ച് ആനകളോടെ ഗ്രാമപ്രദക്ഷിണത്തിലെ അവസാന ആറാട്ടിന് സേതുകുളത്തിലേക്ക് പുറപ്പെടും. ആറാട്ട് കഴിഞ്ഞ് വിളക്കാചാരത്തിനുശേഷം അകത്തേക്കെഴുന്നള്ളിപ്പ് നടക്കും.