പെരിഞ്ഞനം : പടിഞ്ഞാറെ ടിപ്പുസുൽത്താൻ റോഡിൽ പെരിഞ്ഞനം സ്മാരകം സ്കൂളിന് സമീപത്താണ് അപകടം. തൃപ്രയാറിൽ നിന്നും അഴീക്കോട്ടേക്ക് പോയിരുന്ന ഷാജി ബസിനു മുകളിലാണ് കൊമ്പ് വീണത്. മുൻഭാഗത്തെ ചില്ല് പൂർണ്ണമായും തകർന്നിട്ടുണ്ട്.
യാത്രക്കാർ കുറവായിരുന്നതിനാൽ വൻ അപകടം ഒഴിവാവുകയായിരുന്നു. ആർക്കും പരിക്കില്ല. ഇന്ന് രാവിലെ പത്ത് മണിയോടെയായിരുന്നു അപകടം. സ്വകാര്യ വ്യക്തിയുടെ പറമ്പിലെ മരം മുറിക്കുന്നതിനെയാണ് അപകടമുണ്ടായത്.