എടമുട്ടം : എടത്തിരുത്തിയിൽ വീട്ടിൽ അലമാരയിൽ സൂക്ഷിച്ചിരുന്ന സ്വർണമാല മോഷണം പോയതായി പരാതി. എടത്തിരുത്തി കമ്മായി റോഡിൽ തണ്ടാശ്ശേരി സുധാകരന്റെ മകൻ ശ്രീജിത്തിന്റെ വീട്ടിലാണ് മോഷണം നടന്നത്. ശ്രീജിത്തിന്റെ അമ്മയുടെ അഞ്ച് പവൻ തൂക്കം വരുന്ന സ്വർണ്ണ മാലയാണ് നഷ്ടപ്പെട്ടത്.
കഴിഞ്ഞ ദിവസം വീട് പൂട്ടി വീട്ടുകാർ പുറത്തേക്ക് പോയിരുന്നു. രാവിലെ അലമാര തുറന്നു നോക്കിയപ്പോഴാണ് മാല നഷ്ടപ്പെട്ട വിവരം അറിയുന്നത്. കഴിഞ്ഞവർഷവും ഈ വീട്ടിൽ നിന്നും 2 പവൻ്റെ സ്വർണ്ണമാല നഷ്ടപ്പെട്ടിരുന്നു. വീട്ടുകാർ കയ്പ്പമംഗലം പോലീസ് സ്റ്റേഷനിൽ പരാതി നൽകി.