പെരിങ്ങോട്ടുകര : യു ഡി എഫ് സ്ഥാനാർത്ഥി കെ.മുരളീധരനെ വിജയിപ്പിക്കണമെന്നാവശ്യപ്പെട്ട് താന്ന്യം ഗ്രാമപഞ്ചായത്ത് മെമ്പർ ആന്റോ തൊറയൻ സൈക്കിളിൽ പ്രചരണം നടത്തി . നാലും കൂടിയ സെന്റർ , മൂന്നും കൂടിയ സെന്റർ , വായനശാല ജംഗ്ഷൻ എന്നിവടങ്ങളിലാണ് പ്രചരണം നടത്തിയത്.
പഴയകാല ഇലക്ഷൻ പ്രചരണത്തിന്റെ ഓർമ്മകൾ നിലനിർത്തി കോളാമ്പി മൈക്രോഫോൺ, സ്ഥാനാർത്ഥിയുടെ ചിഹ്നങ്ങളും സൈക്കിളിൽ കെട്ടിയായിരുന്നു പ്രചരണം. വഴിയാത്രികർക്ക് അഭ്യർത്ഥന നൽകിയായിരുന്നു യാത്ര. ശ്രീഭദ്ര കൊടപ്പുള്ളി, ലൂയീസ് താണിക്കൽ , വിൻസെന്റ് കുണ്ടുകുളങ്ങര , ഉക്രു പുലിക്കോട്ടിൽ, റിജു കണക്കന്തറ, രേണുക റിജു എന്നിവർ സൈക്കിൾ പ്രചരണ ജാഥക്ക് നേതൃത്വം നൽകി.