ആലുവ : മരം കടപുഴകി വീണ് പത്തുവയസ്സുകാരന് ദാരുണാന്ത്യം. ചെങ്ങമ്മനാട് അമ്പാട്ടുവീട്ടില് നൗഷാദിന്റെ മകന് മുഹമ്മദ് ഇര്ഫാനാണ് മരിച്ചത്. കളിസ്ഥലത്ത് നിന്നും സൈക്കിളില് സഞ്ചരിക്കുകയായിരുന്ന കുട്ടിയുടെ ദേഹത്തേയ്ക്ക് മരവും വൈദ്യുതി പോസ്റ്റും കടപുഴകി വീഴുകയായിരുന്നു. വൈകിട്ട് 6.15നായിരുന്നു അപകടം.
അപകടം കണ്ട് ഓടിയെത്തിയ നാട്ടുകാർ കുട്ടിയെ ആലുവ രാജഗിരി ആശുപത്രിയിൽ പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല. എടനാട് വിജ്ഞാനപീഠം പബ്ളിക് സ്കൂളിലെ അഞ്ചാം ക്ലാസ് വിദ്യാര്ഥിയായിരുന്നു മുഹമ്മദ് ഇര്ഫാന്.