കൊല്ലം : കല്ലടയാറ്റിൽ കുളിക്കാനിറങ്ങിയ രണ്ട് വിദ്യാര്ഥികള് മുങ്ങിമരിച്ചു. കുളനട സ്വദേശി നിഖില് (20), മഞ്ചള്ളൂര് സ്വദേശി സുജിന് (20) എന്നിവരാണ് മരിച്ചത്. പത്തനാപുരം മഞ്ചള്ളൂര് മഠത്തില് മണക്കാട്ട് കടവിൽ ഞായറാഴ്ച വൈകീട്ട് എഴംഗസംഘം കുളിക്കാനിറങ്ങുകയായിരുന്നു.
നിഖിൽ മുങ്ങിത്താഴുന്നത് കണ്ട് രക്ഷിക്കാൻ ശ്രമിക്കുന്നതിനിടെ സുജിനും ആറ്റിലെ കയത്തിൽ അകപ്പെടുകയായിരുന്നു. അഗ്നിരക്ഷാ സേനാംഗങ്ങളെത്തി ഇവരെ പുറത്തെടുത്തെങ്കിലും മരിച്ചിരുന്നു.