തൃശൂര് : ചേർപ്പ് കോടന്നൂരില് യുവാവിനെ ഹോക്കി സ്റ്റിക്കുകൊണ്ട് തലയ്ക്ക് അടിച്ചു കൊലപ്പെടുത്തി. വെങ്ങിണിശേരി ശിവപുരം കോളനിയിൽ കാരാട്ട് വീട്ടിൽ സുരേഷ് മകൻ മഹേഷ് (മനു – 27) ആണ് കൊലപ്പെട്ടത്. ഞായറാഴ്ച രാത്രി ഒരു മണിയോടെയായിരുന്നു സംഭവം.
മൃതദേഹം റോഡരികിൽ ഉപേക്ഷിച്ച നിലയിലായിരുന്നു. നാട്ടുകാർ പോലീസിൽ വിവരമറിയിച്ചതിനെ തുടർന്ന് ചേർപ്പ് പോലീസ് എത്തി അന്വേഷണം ആരംഭിച്ചു. ഫർണീച്ചർ തൊഴിലാളിയാണ് മരിച്ച മഹേഷ്.