പെരിങ്ങോട്ടുകര : താന്ന്യം ഗ്രാമപഞ്ചായത്ത് അഞ്ചാം വാർഡിൽ ഹൃദയത്തിലെന്നും എന്റെ ഗ്രാമം പദ്ധതിയുടെ ഭാഗമായി കവി കുഞ്ഞുണ്ണി മാസ്റ്റർ 97-ാം ജന്മ ദിനാചരണം ചൈതന്യ അംഗൻവാടിയിൽ നടത്തി. പുഷ്പാർച്ചനയോടെ തുടങ്ങിയ ജന്മദിനാചരണം പരിപാടിയിൽ വാർഡ് മെമ്പർ ആന്റോ തൊറയൻ അധ്യക്ഷത വഹിച്ചു. റിട്ടയേർഡ് അംഗൻവാടി ടീച്ചർ ഉഷ എൻ.എസ് ഉദ്ഘാടനം നിർവഹിച്ചു.
തുടർന്ന് കുഞ്ഞുണ്ണി കവിതകൾ ആലപിച്ചു . എഎൽഎം സി അംഗം ഹിമ രജ്ഞിതൻ അംഗൻവാടി ഹെൽപ്പർ ഗീത കെ.ആർ , നിവേദ്യ പി.എസ് , വർഷ , സിമി ജോബി എന്നിവർ പ്രസംഗിച്ചു . കുട്ടികൾക്കും , മാതാപിതാക്കൾക്കും വാർഡ് മെമ്പർ ആന്റോ തൊറയൻ കൽക്കണ്ടം നൽകിയാണ് സ്വീകരിച്ചത് . വളപ്പൊട്ടുകളും കരുതിയിരുന്നു